Seydayê Tîrêj
Xortê jîr û xwendevan, çare û ûmîda millet
Rabe ji xew tu carek, serê roja me derket
Xwe rapêçe birader, ji bo kar û xebatê
Kes nema ye di xew de, cîhan pêk ve li hev ket
Li çar kenar û hawêr, şer û halan û ceng e
Karwanê riya jînê, binêre va bi rê ket
Li şûna wara nemînî, dem pir xweş e birader
Divê wextê ne mane, tu kes bê al û şewket
Ger ranebî tu ser xwe, welat bi pêş ve naçî
Ew rêberên milletan, tev wek te ne bi himet
Welatê xwe bi zorê, ji bin destan deranîn
Ketin rûpelê tarîx, bi mêranî bi şuhret
Heta ku em wisabin, dê tim halê me ev be
Perîşan û belengaz, jar û bê ser û sikket
Tu guhdêrî li Tîrêj, pesin dide ji bo te
Dest hilînî bi merdî, xweş bijî ev dem û wext.
Anlam için kelimeye çift tıklayın (Ferheng) Anlam için kelimeye uzun basın (Ferheng)