Seydayê Tîrêj
Cana tu naz û rindî, wekî Keja li Amed
Tuyî Xeca çelengî, ezim îro Siyamed
Sîng û berê te bozin, befa Sîpan û Serhed
Gerden bilûr û mercan, bi yaqût û zibirced
Tucar terka te nakim, bi qelsî yan bi xurtî
Pesnê te her dibêjim, bi tikrayî bi xurtî
Dixwim sûndê bi êlim, bi wî kalê veşartî
Elifba ez dixwênim,hê ez neghame ebced
Di nêv baxê Gulîzar, bi rewşa xwe tu sorgul
Li ser te ez dixwênim, wekî şalûl û bilbil
Bi dîdara xwe ey can, derman dikî dilê kul
Li ser taca keya xweş xuyaye, rengê kumbed
Li ser rêça evînê, Tîrêj ne dîn û şaş e
Cawê wî pir giran e, hemî çox û qumaş e
Ne wek dexok dibêjin ku, kevnemal belaş e
Tu guh mede ne çakan, ji destê xwe tu bermed
Anlam için kelimeye çift tıklayın (Ferheng) Anlam için kelimeye uzun basın (Ferheng)