M. Zahir Ertekin
Dengê min şewitî
Êdî pêkenok min nahewînin
Nema karim velezim di çavan de
Meş qedexeye êdî
Êş e barê karwan
Kadizê rêya xwe guherîye
Meh bûne sedsal
Sal tew navegerin
Mêşên hingivîn diaxivin
Dipirsin nalînên karwan
Dev ji xebatên xwe berdane
Hêstirên wan bûne hingiv
Diqede meşa karwan
Serencam li hev dicivin
Li derve mirin dizê bi dizî
Hew karim barê xwepirsînê hildim
Nikarim bi xwe bişêwirim êdî, nikarim
Lembeya qudretê leqîya
Şevê dev ji xwe berda
Dengê qînîzerê bi şevê ket
Karwan xwe li dilovanîyê pêça
Anlam için kelimeye çift tıklayın (Ferheng) Anlam için kelimeye uzun basın (Ferheng)