M. Zahir Ertekin
Ez ruhê wî di dest wî de
Zarok
Bi bêjeyan nikarim biteqim
Dilgirtî û dîl
Zarok
Min ber bi navnîşanên nediyar dibin
Sûcê min sexte nasnameya min
Dilerizim ji durûtîya wan
Ruhê xwe nadim wan
Ditirsim
Ez
Zarok
Ji mijê ava heyatê dimijim
Rûyê min teng
Rûyê min qelişî, lal
Bi ta û bê derzî
Rêya min dûr
Ez
Ruhê min di kulma destê min de
Zarok
Îbrahîmê Azer im
Qedrê dewran û
Şahidê dîrokan im
Ez
Zarok
Kelogirî
Bêhiş û cûtî
Li mezinahîya xwe digerim
Ez welatê avê welatê axê
Zarok
Welatê hêvîyê dişopînim
Di bin nigên min de derya diqulipin
Bi min dilîzin nigên cenawir û pîrebokan
Bêhay
Li hêvîya xelasîyê
Ez
Zarok
Anlam için kelimeye çift tıklayın (Ferheng) Anlam için kelimeye uzun basın (Ferheng)