Melayê Cizîrî
`Er`erxerama bi qedd û qamet
Yek bûse da me bi sed qiyamet
Yek bûse bexşî ewwel bi ihsan
Axir li min kir curm û xeramet
Ji jeng û zerqê dil da bişûtin
Cama sedef bên rend û keramet
Ji herdu çeşmên tey mest û xwînrîz
Nûra du çeşman kê dî selamet
Li derd û êşan peykan û nîşan
Me ji herdu çeşman kifş in `elamet
Riswayê `işqê tenha ne ez bûm
Kes dî zemanan hub bê melamet
Du secde ferd in fi l-hal bibîn ber
Dema xwiya bin ew qedd û qamet
Da `eybê rendan nekî bi badê
Nufûsu qewmin biha tesamet
Mela li `umrê bêfeyde borî
Kêşa bi zor an qehr û nedamet
Anlam için kelimeye çift tıklayın (Ferheng) Anlam için kelimeye uzun basın (Ferheng)