Konê Reş
Ji min werê;
bi tenê zerîyên welatê min
Xweşik in;
bejin zirav in
dêm girover in
meşqitikîne…
ta ku min
Xweşik û rindên
welatê xelkê
dîtin ku ew jî
şox û şepal in
meşordekîn in
poz çelengîn in
lê bi tenê
bi tiştekî xweşiktir
zerîyên welatê min
ji wan bi cuda bûn
heger hûn zanin
bê ew tişt çiye
heger hûn zanin?
*Kovara Metîn, hj:59, Duhok
Anlam için kelimeye çift tıklayın (Ferheng) Anlam için kelimeye uzun basın (Ferheng)