Konê Reş
Ji ezel ve
Karê dinyê eve,
Wilo hatiye,
Wê wilo here
Kes nîne ji canê xwe heznake
Ji ezezetiya xwe re
Kar û xebatê nake û
Yê ne wabe;
Tiredîne, mejî di serî de nîne,
Wek «beruwa ji qalikê xwe dere»
Dûrî civatê digere…
? ? ?
Belê ezezetî
Tu şaristaniyan ava nake,
Tu gelan rizgar nake
çendî avanî û qûnaxên
Mirovên ji vî terzî hebin
çendî otomobîl
Li ber dergehên wan rawestî bin,
çendî di malên xwe de
şaristanî bin û
çendî şevbuhêrkên wan
Li ser masan bi şadî bin
Lê sûde çiye ku;
Civata li dor wan
Di xizanî û hejariyê de
Xeriqî bin
Ji birçîbûnê merisî bin
Di belengaziyê de perçiqî bin
Bêgoman ew jiyana ku têde dijîn
Anlam için kelimeye çift tıklayın (Ferheng) Anlam için kelimeye uzun basın (Ferheng)