Rênas Jiyan
ango taştiya emir
ango lîstina bi kêran
heyecana pelandina devançeyan weke hêtên qîzan
şûna jopên girtina xwepeşandanan
sazkirina xeyalên erotîkî li gel keçikan
lîs e
lêvên te, riha min cara ewil kur dike
pizikên min serên xwe bera ber xwe didin ji fedîya te
tu kuxika cixareya min a ewilî yî
tu rondik vexwarina ewil a giriyê min î evînî yî
tu lîse ya emre min î
/(li paş hewşa mektebê heke tu werî bin wan daran
bi soz!
bi dengê xwe yê nuh qalind bûye
ez ê azan bidim navê te
lîse,
mekteba min çavên te) /…
Ji pirtûka ‘’Mexzena Xwînê’’, Weşenên Belkî, 2003
Anlam için kelimeye çift tıklayın (Ferheng) Anlam için kelimeye uzun basın (Ferheng)