Rênas Jiyan
koleksiyona 3`em, li bêriyê, esirkî
ev çirûsk, ji ronkaya teperepa kelecana qelbên berxikên
bêrîdar
ên li benda makên xwe yên bêrîvan hatiye berhevkirin
di tahma kefa şîrê li bêriyê hatiye dotin, kefa wê bi
tilîkan hatiye xwarin
û di bêhna firêzeya şûvan de ye
di vî wextî de çirûskên te
di şînbûna dixana çixareya qaçax a şivên de ne
di bêriya dudana de,
berxik weke qaçaxçiyên leşker li pey wan bin
û xwe bê serî li mayin û hudûdan biqelibînin
bi xezeb xwe li guhanan diqelibînin...
dîn in!...
di nav ew qas kerî pez de, tu çûyî li bilûrê baniya
şevîn; weke çêra pez bi aheng û şêrîn
şevîn; di tûrikê şivên de çarîn û nalîn
tu, çirûska çavlêketina peza li gur î
tu, xwîn î
xwîn...
Ji pirtûka Mexzena Xwînê
Anlam için kelimeye çift tıklayın (Ferheng) Anlam için kelimeye uzun basın (Ferheng)