Rênas Jiyan
koieksiyona 12`em, li binê bîrê, şev
ev çirûsk, bi şev ji xelekeke govenda şewqên li ser ava
bîrê direqisîn
hatiye berhevkirîn
di tahma xwedê û di bêhna hibrê de ye
di binê bîreke birîndar û bêbinî de
tu kes nikare bi qasî te xweşik bigirî
û binale jî
ne taldeyek mabû
û ne jî werîsê dewla jiyaneke neqetiyayî
te ji bîr kiribû
dawiya dawî
piştî ew qas cih, tu li binê bîrê vegeriyayî
tarî
tengayî
tenêtî
kurayî
+-----
bîr
mirin, di binê bîran de tê kuştin
zimanê mirovan di binê bîran de dibin weke yên maran
piştî ku jahra min û çermekî min ê biriqî û hêja çêbûn,
min ev yek baştir fahm kir
li ser myê erdê "ax" di hundirê te de bû,
di binê erdê de tu ketî hundirê "ax"ê
tu berşoşkî yî ji axê
bi bîr bîne
bîranîn bi ava bîran ber dixwin...
Ji pirtûka Mexzena Xwînê
Anlam için kelimeye çift tıklayın (Ferheng) Anlam için kelimeye uzun basın (Ferheng)