Fêrîkê Ûsiv
Bra deştê we- li we bimbarek bin,
Xweyê deşt-dûza,
Bra çiyaê me-li me bimbarek bin,
Me tebiyethiza.
Evil û edet we rehetiya ruh
Wan ciyada dîtye,
Lê hilbet me jî kar û keremek
Van çiyada dîtye.
Em şêlû nakin bi nixta nemerd
Tû cew û kaniya,
Wekî ser weda dixulxulin tên
Ji van çiya-baniya.
Na, şêlû nakin em tu ava qet,
Lê hûnjî feqet,
Dema qasekê em xwera hiltên
Serê çiyayêd xwe,
Dinya dêmdelal hemêz dikin bi
Nûra çevê xwe,
Bi qelbê qenciyê bilind dibin wek
çiyayêd xwe tîtan
û êmanekî Xaliqê xwera
Tên pevgirêdan,
Hûn Xwedê xwekin, hûn jî wê hingê
Bi cebh û cerme
Nekin tepilxan û şêlû nekin
Ezmanê serme...
Anlam için kelimeye çift tıklayın (Ferheng) Anlam için kelimeye uzun basın (Ferheng)