Fêrîkê Ûsiv
Di çavên te de yaqût hene
Yantar hene li çavên te?
çavên te cothebikên durran,
Heliyame li nava hebên te.
çavên te şîn, binefşên geş,
Dêmên berfî dane der,
Birû û baskên kevotka kej,
Kêr û kevan bûne li ser.
Eniya eyne bi xem, xerêq
Hela nebûye xet û xaz,
Kê xwe di navê de mêze dike,
Dibe xortê bermiraz.
Guhên gulîn, şêbiskên zer
Lê penc bûne nolî tav,
Bêhn û bihuşt, misk û ember
Davê’ ji xal û xebxeb.
Rindê, bûyî xeber û behs,
Wey li halê min bikirrçî.
Bihar î tu, havîn im ez,
Ber bi te têm, tu diçî.
Anlam için kelimeye çift tıklayın (Ferheng) Anlam için kelimeye uzun basın (Ferheng)