Feratê Dengizî
Li êşan digerim
vê şeveqê
êşan didim hev
Dilê min Giyarê Maran
Bi tasika bafûn
dew vedixwim
Dewê bi nehne
Li derdan digerim li kolanên vî bajarî
derdan didim hev
dilê min Giyarê Maran...
Her dikele bi elem û jehrê!
Bi tasika bafûn
dew vedixwim
Dewê bi rexne
Êş har dikelin
çima ji te hezbikim heyra
Tu di kozika neyar de
Herê guleyan bera min nadî
Lê wî xwedî dikî!
Bi tasika bafûn
dew vedixwim
Dewê bi lomê
10.09.2012-Amed
Anlam için kelimeye çift tıklayın (Ferheng) Anlam için kelimeye uzun basın (Ferheng)