Cegerxwîn
şehsiwarê meydana torevan î
Nîçîrvanê zozanê ristevan î
Bi tîrên tore diran dihingêvî
Bi mijgûlên ristan gulan dibişkêvî
Deysemê meydana miletperwer î
Salarê bajarê ristên gewher î
Cafer î ber bozê dijminê Dasin
Kunkerê gotinê ji dir û elmas in
Ala te va hildane sed Camî
Serê hespê te girtiye Nîzamî
Hêlevanê asikên deşta Xeten
Nêçîrvanê çiyayê rizde û ben
Serdarê ristevan û pehlewan î
Rêberê Kurdistan seydayê Xanî
Ji derdê vî miletê nezan û dîn
Ne tenê tu, em tev bûne Cegerxwîn
Hezar û nehsed û heftê û heftan
Bi dasa xwe dihûnim ez van qeftan
Anlam için kelimeye çift tıklayın (Ferheng) Anlam için kelimeye uzun basın (Ferheng)