Cegerxwîn
Destê şêx maçî mekin ew şêx ne qutbê razî ye
Tac û şewket tev xebata destê sar û tazî ye
Ev ne dîne , dîn mebe , dîn serxwebûna milete
Ser mebe ber lingê şêx , kengî Xwedê jê razî ye
Ma ji bo dîn şer dikin xortê Fransa û Îngîlîz
Wa li Misrê xwîn dirêjin bûn şehîd û gazî ye
Ger nexwînin dê beg û axa me tim talan bikin
Ev nezanî cangiranî karekî nasazî ye
Rencberê şêx û mela yî karkerê axa û bag
Ê hinan pê karine lê ê hinan canbazî ye
Ew kesê zana divêt tim wek Cegerxwîn bikine qîr
Raste , wî zencîr di mil de tim bi qîr û gazî ye.
*Çavkanî: Pirîsk û Pêtî, r: 14, tirej.info
Anlam için kelimeye çift tıklayın (Ferheng) Anlam için kelimeye uzun basın (Ferheng)