Cegerxwîn
Dîlber gelek delal e yaşa delalê yaşa
Wek te hebin şepalê sed haşa summe haşa
Tu pesn û gewr û rind î, çeleng û pir lewend î
Xesroyê serbilind î, serdarê mîr û paşa
Çînçînê zulf û rîhan, enî taca Şerefxan
Ebr û kevan û eywan, rû gulgeşa di kaşa
Çavên di reş stêr in, kepû çilakê şêr in
Sedef diranê zêr in, ziman qelemtraşa
Çend gewr û biskê reş qer, alma guhar û gewher
Gerden bi nûra mermer, sînga spî qumaşa
Memik spî bilind in, bejn bi gulk û bend in
Ser pêşî mûm û find in, yaqût û durr di qaşa
Çak û çeleng û bengîn, fîstan bi ser de rengîn
Ey seydayê Cegerxwîn, fermo'ke wer temaşa
*Ji ber dengê Ehmed Kurdî
**Ji bo vîdyoyê: https://youtube.com/shorts/_YS_iCcGdxY
Anlam için kelimeye çift tıklayın (Ferheng) Anlam için kelimeye uzun basın (Ferheng)