Cegerxwîn

Tu hatî lêvşêrîna min Evîn û dil revîna min Were xweşke birîna min Di ser çavên me re hatî Bi xeml û xêz tu wek Zîn î Şepal û şeng û şêrîn î Ji derdê min re dûrbîn î Bî dîdarî pêt û lat î Bi dîdarî xwe wer rind î Birûheyv û şekerxend î Di vê rê de hûnermend î Bi bejna xwe tu şemşat î Ji min can û ceger kuştin Dil û mêlak hemî miştin Tijî tîr û ber û xişt in Bes e ev malmîratî Bes e ey dîlber û gawir Bi barîne li min awir Te cerg û dil kirin agir Bi talan û bi berbatî Te maçek da bi şêranî Me can û dil li ser danî Tu hê jî her dibe; kanî Te qatek da bi sed qatî Bes e Seyda bike gazin Di dil da tîr û ber bazin Me xew nayê, çilo razin? Di vê cengê de şahmat î Bi bejna xwe meya avî Ji bircê carek derkevî Di her çaxî, di her gavî Tu naz û tirhik û kat î Bi nazdarî tu wek şeng î Sipîzend û şefeqreng î Çi padîşah û serheng î Dike zorê li min tatî Li ber te tat û cotar im Mebîne jar û bêzar im Li bejna te evîndar im Li te pîroz e axatî Li te pîroz e ey dîlber Ku mal û can û dil yek ser Me dan ber pê evînperwer Ez im rendê xerebatî Xerebat im di meyxanê Me mey da Ehmedê Xanê Cizîrî firke fincanê Ji kûp û kûzikê Batî Ji kupê destê kolxozê Perîrengê, şekirsozê Me mey noşt, giham dozê Du sêvên sorê Exlatî Şerab û şerbeta sêva Vexwarî min ji wan lêva Gelo kes din ji min pê va Giha wê bejna lihevhatî? Hezar û sed evîndar in Di vê rê de birîndar in Şev û roja bi hawar in Tenê ez xurt û jêhatî Di vê rê de gelek mêr im Piling û ejder û şêr im Bi taca gewher û zêr im Bes e Seyda, ebûqat î? Cegerxwîn bes bike forta Tu pîr î lê wekî xorta Te dil da ber şek û rota Bi xwe kohê Erarat î