Ehmed Huseynî
Vê sibehê,
Di nav destên min de,
Di dojeha hestên min de,
Lêvên çîrokbêjên te dilerizin,
Stiranên te yên kevnar li ser zimanê min hişîn dibin,
Di sînorê dilê min de bombeya bêdengiya te diteqe,
Giriyê te çavên min dorpêç dike,
çavên min dagîr dike,
Kenê te di parsûyên min de diqirçe,
Vê sibehê,
Ez baran im tu ax î..
Ez gulbero me tu bax î...
Ez derî me tu tax î..
Ez mirî me tu sax î..
Anlam için kelimeye çift tıklayın (Ferheng) Anlam için kelimeye uzun basın (Ferheng)