Ehmed Huseynî
Pênc demsalên kerikî
Di hêsrên te de dinivin...
Pênc oqyanûsên zerikî
Di xwîna te de dilivin...
Buhareke qehweyî ye
Lêvên te dişo ji stêrkên tirsê...
Buhareke kesk î tarî ye.
Çîçekên gerdena te dike pîşo
Û guh nade pirsê
Û buhara te tê
Ji leylan û xweliyê
Ji kuncî û tûtina qaçax
Ji pîvazterkên Xursê
Buhara te mîna ziya
xwe dadida gimijîna Xwedan
Ji bêrîkirinê şiyar dike
Termê helbestan
Serpêhatiyên te dixwîne
Demsala te bi te
Û bi şîrava xewnan dimîne! !
Anlam için kelimeye çift tıklayın (Ferheng) Anlam için kelimeye uzun basın (Ferheng)