Free Shipping! On orders of 500 TL and above.

About Us | Help & Support |
Menu Sign In Cart Favs Category

Selamî Esen

Selamî Esen

42 views 0 likes
(ji dever û salên dûr, bi çengek agahiyên xwe yên hûrgilî û gulgulî hatibû, çavên wî hê li ser Lîlîta meleksiruşt bû, dît ku ev der warê wî yê jêfiltîna tofana baranbêj e, xwe şeqî kir û guhê xwe dirêjî bûnewerên kerr kir.) zîwan: ev genimek patosxwarî ye hêj şehîd neketî şolika xwe himbêz kiribû pûş: ev anatomiyeke felişî ye hêj bêrîvana danzdehî serbaz jî ji çavên wê dibizdan balkok: ev keziya dotmamê ye hêj nehatî kurrkirin dest avêtibûyê xweyê kêrê nivîn: ev sêgoşe doşeka şermê ye hêj bi bista zirbavî dax nebûyî jê çend keçik çêbûbûn tûjik: ev kardoxek egalîst e hêj siwarê teyrê sîmir e di asêhiya gabarê de egîd derincik: ev dal-an jî reben e hêj nehatî tarîkirin bi zimanê mermerî diştexilî hunermend: ev xatirekî danzdehsalî ye hêj gule dibarandin çav li bavî hiş li dê bû dengbêj: ev şareke nehmehî ye hêj nehatî sêwîkirin berfa şarê qersê tam kiribû devî: ev hawara “kezeeeb!”ek e hêj dengê balafirê nehatî li çemê botanê hirî dikuta ben: ev cinîneke beyar e hêj topelav nexwarî li îlonê sênî bi sênî hilîsik dabûn necar: ev termê neyarê gulê ye hêj nehatî azadkirin baranên bêşerm kiribû xelat kêl: ev çinarek bilind e hêj kindir nehatî xwarê doza neviyên xwe dikir tifik: ev jakawiya serbazekî ye hêj goşt nexwarî şîrê heram vexwaribû xezam: ev binasên beko ne hêj ji nehsîtiyê re avis ji rezê mîr sêva bajariyan dizîbû û lalo: ev sih û çar dan in hêj bi hêvî bûn ji Şevbaşê lê... şevê xwe firotibû barbaran

Double-click a word for its meaning (Ferheng) Long-press a word for its meaning (Ferheng)

Share
Back to Selamî Esen
🛒 0

Your Cart