Rojen Barnas
Ev çi şev e, gelo? Bi vî tebayî
Ev çi şev e, ku dawînî lê nayê
Hingî dikudînim dirêjtir dibe
Hingî ku diçe tarî dike gurrayî
Çavên min nabînin, tu dibêy?
An nafesilînim pêşiya xwe? ...
Na! ne wisa ye bi rastî
Ku çavên min westiya bin
Kêm bûbe tê de ronahî
Lê ev çi ye ku dineqînim
Bozî ji gewrî, cûnî j` reşayî
Hingî ku diçe tarîtir dibe
Hingî dibûre gurr dibe tarî
Divê ku niha şefeq bidaya
Ji êvarê vê de çend sedsal bûrî.
*Ji Milkê Evînê
Anlam için kelimeye çift tıklayın (Ferheng) Anlam için kelimeye uzun basın (Ferheng)