Berken Bereh
li kûrahiya şeva bi şehwet diherike
neçarim li ber serê êşa xwe
dûr im ji xwe qasî stêrkan,
pîr im li vir bi qasî çiyan
sêwiyek im, ji bilî êşê kesekî min tune ye
li dilê min î sincirî û kavil
mêrga bayên ciwan, çîmenên gumreh
dibêje rizîne bagera di dilê min de
hemû rêl û deşt birçiyê bêdengiyê
hemû siwarî û berbû kor û şeht
hemû robarên diherikin ji sîngê şevê
havêna pêşerojeke xizan dimeyînin
bêpaxav û bêminet digere dolaba heyatê
dizeliqe li asoya şevê ji bîr kirî
awirên min î sar û hewca nalîna dilê min
mîna zarokê deqên wî jê hatî standin
rûniştim li bin dara bîranînan
giriyam bi serpêhatiya xwe ya tehl re
Anlam için kelimeye çift tıklayın (Ferheng) Anlam için kelimeye uzun basın (Ferheng)