Berken Bereh
êvareke rûqermiçî
balefir diqelêşin bêdengiya bajêr
cemseyên mişt leşkerên gurên boz
diherikin serberjêr
bahozek xov û tirs libarbûyî
çivîkek hildiceniqe xwe diavêje ber sivingê
çavek min zîq li Cûdî
birîn xwe berdide kezebê
tenê nivîsandin ji min tê
lê
ev gotin jî zanim
wê nekare min xelas ke
ji xezebê...
Anlam için kelimeye çift tıklayın (Ferheng) Anlam için kelimeye uzun basın (Ferheng)