Kawa Nemir
`diyarî ji bo Arjînê`
li ser tava royê tetê zarokekê dikemile
dixemilîne kevala esmên bi şîneke sero`xwe
rengan radiperîne bixalê
tola hemî xal û apên xwe hiltîne
mana min li vî bajarê xilt
yek bi xêra te
yek jî bi xêra te
ku nebûna tiştên wiha kêmbuha
min ê berê xwe bida PEN`a berriyê
Marjînalîzm peyveke zor bijehr e
hûn werin bi ya min bikin
dev jê biqerin aqilbaqilno
bi vê zargêjnokê
Soqrates bibûya, nediçû kadînê
li cîhanê babetên firehtir hene ji bilî Mar
ku em bi Feqîtî hilînin dest
wek Ar
wek Jîn
Hûn bi pêşa kîjan bîrdozê digirin bigirin
ez bi tenê ji Arjînê hez dikim
ez Arjînalîst im
ez Arjînalîst im
16 Rêbendan 1998
Anlam için kelimeye çift tıklayın (Ferheng) Anlam için kelimeye uzun basın (Ferheng)