Selahedînê Gimgimî

Dilber ku pir Şirîn e,² ez bûme mislê Ferhad Nakem tu car yeqîn e, peyda bikem dilek şad Şîn û girîn me kar in, ez bûme reşgirêda Bi ser de jî bibarin, lew bûme mest û şeyda Herçî ku lafezan in, dibên me ev çi hal e Her hal e ew nizanin, dilber ku pir delal e Ger nas bikin şirînê, nakin gilî û gazin Derman e j’ bo birînê, eva ku em dixwazin Qaz werdeka golan e, em kir’ne aş û baş e³ Çavreş j’ kan’ya kilan e, lew jê re mane şaş e⁴ Ebrû wekî hîlal in, gava ku nû xwiya bit Bijang mesafe-sal in, manin hezîn û sabit Enî hîva li çarde, wesfê wê ger bibêjem Diçin sibat û mard e, ez hêj hubrê dirêjem Sûret wekî hinar in, gulang wekî gula zer Bulbul li ser dizarin, bi terzekî seferber Lêvê tenik timî ter, dindan sedef di bin da Çena rind û gilover, ferman dixwîn li rinda Singê wê deşt û zozan, textê Selahedîn e Li ser wê defw û dozan dikin her çî wê dîne Gurz û kemendê Şêrkûh, ew memikê gilover Delal û nazik û nûh, eqil j’ serî dibin der Bejna zirav wekî şev, rojan dixîne gorê Xanan û Xalidan tev, ser danîbûn li wê rê Ez çer wê nahebînem, wê kaniya heyatê Bona ku wê bibînem, ez lê bikem xebatê Çiqas ku bextiyar e, ew kesê wê hebandî Tarîx ji bo wî yar e, ger biger mislê Xandî Dilber çemê jiyan e, derdê me derdê welat Serda Selahedîn e, canê me jê re xelat 1 Ev helbest Di (TÎD)ê de bi navê “YARAM 1” e û bi çarinan navbera xwe de bûye du qet û vegeriyaye çarînan. 2 ku pir Şirîn e: “perî Şirîn e” (TÎD) 3 em kir’ne aş û baş e: “yeqîn ku êdî baş e.” (TÎD) 4 “Çavreş kan’ya kilan e, em kime aş û baş e” (TÎD) *Wezn: Mefûlu / Fa‘ilatun / Mefûlu / Fa'ilatun *Ji dîwana wî Derdê Welat, rr: 28-29, 2018, Nûbihar *Deşîfrekirin: R. Xendekî