Selahedînê Gimgimî
Bona dewlet dil girêdana bi çerxê ve ‘ebes
Wekî omêda wefayê ji kesê bê şîr ‘ebes
Aqilan zencîrê teqdîrê tu bernadin ji dest
Tayê tedbîrê ra paldan îşekî gelek ‘ebes
Bulbulê baxê heqîqet be bike tim naleha
Wer ne der vê koxê fanî nalîn û ahîn ‘ebes
Daniş û ‘ilmê fenayê tu mebêj naehlz' ra
Lewra ser rêya kesê kor, danîna lambê ‘ebes
Batinê xwe tu muzeyyen ke bi ‘işqa Zulcelal
Wekî neqşê ser cemed, neqşê perî-peyker ‘ebes
*Wezn: Fa'ilatim/Fa'ilatun/Fa'ilatun/Fa’ilun
*Ji dîwana wî Derdê Welat, r: 123, 2018, Nûbihar
Anlam için kelimeye çift tıklayın (Ferheng) Anlam için kelimeye uzun basın (Ferheng)