Selahedînê Gimgimî
Min ji roja ku ji dil ra zulfê yarê bûye dav
Perdeyê namûsê ker kir wek pêsîrê sed şikaf
Ev çiqa sal e ketî û mestê cama firqet im
Saqî ez meyxaneyê weslet tu bîne camê saf
Çî ye bulbul ev qeder zarîn û ah ber şaxê gul
Kesê ku ‘aşiqê rast be vedike bê fayde laf
Tu dibêjî ‘aşiq em, aya dizanî ‘işq çî ye
Ji giranî barê ‘işqê xwar û xûz kir pişta Qaf
Sirrê ‘işqa yar ji yê wek xwe tu cara tu mepurs
Bo kesê hîsab nizane her yek e hindik û zaf
*Wezn: Fa‘ilatun/Fa‘ilatun/Fa‘ilatun/Fa‘ilim (Fa'lun)
*Ji dîwana wî Derdê Welat, r: 118, 2018, Nûbihar
Anlam için kelimeye çift tıklayın (Ferheng) Anlam için kelimeye uzun basın (Ferheng)