Pîremêrd
Xuwa êmey rengreng siruşt pê dawe
Rengî hîç kesî be kes nedawe
Ebînî dû kes be yek eşubhên
Ke çî be kirdar le yektirî ciwên
Yekê arezûyî be şîrînî ye
Ewî tir meylî şîrînî nîye
Yekê wek bêzûker tirşî ewê
New nawî mebe, aman namewê
Yekê sewday şî‘rî mewzûn e
Yekê be tîrî şî‘ir dillxûn e
Hîwaman heye be kişşemir e
Ellê pêt witûm kişşe to bimire
Sa tuxuwa “mire” û “bimire” çend dûr in
Herçend kulane û gorr herdû jûr in
Kone piyawêkman be teqey qezwan
Ne dînî le la ema ne îman
Melayekman bû etwut sêpar e
Ehate wêzet be nêzey yare
Rehmet le sofî yarey zirêpoş
Boy ramekirdîn yestirî çemoş
Êsta desteyê tûrrey kemsirewit
Be qemçî yareyiş nayêne sirewit
Yare mird le lay namerd nenêjra
Bo girdî yare çend şî‘ir bêjra
Xozge demzanî em sirre çî ye
Nawî hîç kesê le naw da nîye
Keçî to ellêy bamiyekem tirş e
Em hemû xellke rûy le to girj e
De bawkim êre xo Kerkûk nîye
Mela ba mêy bê bew turreye
Ya eger tirş û tirşî xirap e
Rûy xot tirş meke, şîrîn be, ça be!
Egîne ke to mon û tirşrrû yî
Demî kes kîse nîye bîdirûyî
Hî waman heye ke le Xuwa edwê
Rizgarî le tiwanc, bo kê elwê
Boç pêxemeryan le şar dernekird?
îman nahênrê be kes destûbird
Anlam için kelimeye çift tıklayın (Ferheng) Anlam için kelimeye uzun basın (Ferheng)