Pîremêrd

çete ger kiz bê, niwêjkere û çak e Gurg kellbeyî neşkê, çawerrêy lak e Pişîle ke le şiwên ciger ewdall e Neyegeyiştê, pêy egut tall e Siplle birsî bê, çaw berew jêr e Ke têrîşî xward pêt ellê: Siwêr e çaw mebirrere dest newsin, fêr ebî! Be parûy xellkî direng têr ebî Ebê bo dinya dest bideyte dest Hîç kesê hîç kes nabate beheşt Felek dewlletit le dest esênê Her nawî çak e bo to bimênê Eger padşay rûy serzemîn î Rojê bo nanê doş dademênî Le pirrê kurrê, piyaw sersam eka Tecrebey dewran însan ram eka Ellên dill weku awêney nûr e Bellam ke şka, letî tendûr e Kawlekey weten hênde şîrîn e Jarî dûpişkî ‘erbet hengiwîn e Dirext nanêjin le tirsî terze Hîn e, metirse û hîn e, melerze Toş nebî dîsan newroz dêtewe Xirûsîş nebê, roj ebêtewe Qena‘etkar im bê tirs û bê wey Sîrwan lêt nedem hêşta her dembey? Qapreş û Hemey piyawman bûn be piyaw Karman dirust e têr pirr e le caw Bellê hîç şayê bê şalyar nabê Hîç bêstanêkîş bê kalyar nabê Piyaw be zor bîben bo mazûçinîn Errwanête dar, naçê le ber qîn Ezanîn xallî le Xorasan e Nazanîn çî ye ew renge ciwan e Da’îm le gell yek şerrmane û hera Hello be tîrî perrî xoy kujra Ewî ke dellên şêr be giwê degirê Kewte deryawe, dest be mar egirê Rêwî be tenya be kuna neçû Keçî hatewe hejgêkî le dû Eger hekîmî bizanyaye wird Keçell dermanî serî xoyî dekird Dewllemend pareyî be kes nedawe Ke çî zor kesî errwa le diwawe Ew serey ser bê, bê killaw nabê Derya be demî seg gillaw nabê Piyaw ke dana bê rê be ’îş eba To ba danaş bî, baz hem pirs eba Mellên şîlawg mayey penîr e Fîtne hewênî no mencell şîr e Be xizmayetî hemû her lek in Ker û xollemêş amozay yek in Bo mîwandarî bû be behane Xizmî xezurî letkey şêxan e Endazeêyk e bo çawlêtirsan Tawê le pîran, şewê le zistan