Pîremêrd
Em asmane şîne kewa bergî matem e
Tehlîlî wa kirawe, ke qubbey xem e, tem e
çerxêke kon e, makênekey jengî girtuwe
çewrî neka be xwên, pekî sûrranî kewtuwe
Pîrêjinêk e, her şewey şûyek eka be xellq
Sûraw be xwênî mêrdî eka, pêy ellên şefeq
Gullgûn be xwênî aşiq e dêwcamey felek
çingî pillingî nawete jêr qaqimî bellek
Gahê be xwênî “alî nebî” sûr ebê Furat
Gah xwênî kurdî têkell ebê Dîcle ziyad ekat
Serdarî ême, ke le ser dar be pêkenîn
Bangî ekird: Be kuştinî min mîlletim ejîn
Em xwênî kurde, ke weku xwênî siyawehş e
Xwênî nesênrê, helldequllê daîma geş e
Bo ême lazim e hemû sallêk, heta dejîn
Em rojî 24-î ayare bikeyn be şîn
Anlam için kelimeye çift tıklayın (Ferheng) Anlam için kelimeye uzun basın (Ferheng)