Pîremêrd
Beharî rûzerd, beharî rûzerd
Minîşî xiste kej û kêw û herd
Rengzerd û serşîn derûn pirr le derd
Bo ’alem şadî û bo min ahî serd
Cergim letlet e wek hêllî naw werd
Ax bo dillsozêk bom bê be hawderd
Reng hellbirrêjê le şêwey behar
Lew rengey xoş bê lay dilley xembar
Le gullezerd reng, le gullnewroz dax
Le şewnim firmêsk, le temî çem ax
Le wenewşe şîn, le nêrgiz xumar
Le gulalle xwên, dîdey şewbêdar
Le xunçey peykan, le sewisen xarê
Dill birîndar ka le dûrî yarê
Min le dûrî êll cergim xwênîn bê
çend xoş e birîn le ser birîn bê
Egerrêm be şiwên derdedarêka
Kesûkar kujraw dillzamarêka
Wek taqtaqker e ta demî beyan
Nallenallim e le ser kelîxan
Lafawî firmêsk le dûrî yaran
Serewxwar errwa wek lêzmey baran
Anlam için kelimeye çift tıklayın (Ferheng) Anlam için kelimeye uzun basın (Ferheng)