Pîremêrd

Te’zêdar mandû n, bellam şerm eken Sê rojigane xor, şîwen germ eken Mirdûşor kuştey heqî xoyetî Kiwêrîş bo xwêndin pelûpoyetî Her xawenmirdû mallî wêran e Ta mangê kasî nûkey jinan e Qewmê netwanê te’zê hellgirê Wetenperwerî çon pê ekirê Wa wesyetm kird, xizman giwê bigrê Le’net lew kesey te’zêm bo bigrê Mudde’î wazî le heq hênawe şahîd dûy kewtuwe, hellîpêçawe Xûyê ke girtit serdemî şîrî Pêt terk nakirê be weqtî pîrî Axa tancîyekî bo hat be xellat Le têberdana ser awî ehat Ewî qerz le lay xoy dêllêtewe Sed bertîl qerzê nabijêrêtewe Be mîwandarî nebî ye kiwêxay dê Be zubanî şîrîn mar le kun derdê Goranî billê ke kemtiyar çak e Qulepêy bisimî hêşta deng naka şuhret afet e lêt nabêtewe Cam bişkê bellam neziringêtewe Le gewregewrey Baban û Pişder Hanaman kewte qunfirrey Hacer îşit be dest bê hîwat lê deken Pilar be darî berdara deken Emek serif meke bo xerrat û dom Le kîsit deçê wek tirrî bin gom Xot heq nesênî lezzetî nîye G....... be g..... xellk pazewanî ye Piyawî mi’ecîn dûy xellk ekewê Mar sîrî nawê, le derkî errwê Tecirubedîde be ra û tedbîr e Herçende pîr e, kone begîr e Xowillatîman la pesend nabê Giwêlkî xomallî be gacût nabê Pûr be tedbîr û eqllî temam e Gunî bibiwaye, eyangut mam e Hîç kesê nallê dom tirş e û germ e Jîşik be bêçûy xoy ellê nerm e Eger ’edalet awirr batewe Gurg le gell merra aw exwatewe Axa hatewe dîsan tirrziltir Ker çuwe Bexda buwe be êstir şar bo min derd e û bo xellk dewa Tenha banêk e, keçî dû hewa Bin kilkî bizin hîç danepoşra Carê merr derkewt, kirdiyane hera Eger sermela bêt û bitirrê Hemû cema’et niwêjyan ebirrê Diwê şew le xew da paşay şarê bû Ke le xew hellsa, dill xembarê bû Êstayiş her modey çoxe û killaş e Pîşey pêşûman dewen be aş e Dewllet ke nema, nawî nabirê Tazekay kone, be ba nakirê Bênewayiye şerrî giwê kiwanû Tirrken nanê co deka be biyanû Xanût derruxê gillekey la be Negbetî çak e, qortî xirap e Bira ger biray xoy le diwa bê Nanewê meger qezay Xuda bê Diwênî zem, emrro medhit dekirê Hêşta be wane bawerr ekirê ....... eme le toy rû dawe Sey kunemasî û pasî cirtawa