Pîremêrd
Xuwa katê wîstî xuwayî biniwênê
Emrroy bo danayn le şiwênî diwênê
Wîstî rûy zemîn bê be karzar
Newey Ademî hênaye rûy kar
Dinya be yek da hatuwe û ejenê
Xoyşî le ser da pêy pê dekenê
Lew meyane da danay hellbijard
Rêpîşandanî xoy be wan spard
înca ewaney ke Xuwa enasin
Destî ewane egirin ke kas in
Eyanben bo ser rêy ‘îlm û zanîn
Bo tiwêşûy rêgay ewla pêk hanîn
Dû rêy e, herdû ser yek eçinewe
Kiwêrayî nebê, lêk ciwê nabinewe
Yekê terîqet, yekê şerî‘et
Aşkira û penhan herdû heqîqet
Heqîqet derya û şerî‘et gemê
Terîqet xerq e ger la da kemê
Terîqet le ser sê quwet bend e
Bew sêye xuway xoy enasê bende
Yekemyan fena, duwemyan wefa
Sêyem lîqa ye semerey cefa
Fena xo le xo rizgarkirdin e
Be kuştinî nefs gire û birdin e
Wefa peyman û şertbecêhênan
înca egeye lay lîqay Yezdan
Ke le xot birray dost lat hazir e
Cawşura û kutra, înca gazir e
Anlam için kelimeye çift tıklayın (Ferheng) Anlam için kelimeye uzun basın (Ferheng)