Pîremêrd
Awe ciwanekey serçawey Zellim!
Boç behar lêll î û payîz ser be tem?
Ellêyî serçawey bextî kurdan î
Cê be xot nagirî, wêllî herdan î
Serçawet serberz, sard î wek terze
Danet mirwarî, lencet sed terz e
Lew asmanewe errijêyte xwarê
Le çawî gerdûn firmêsk ebarê
Wêll û sererro be ro ro û pirr derd
Be qellbezewe ser edey le berd
Dest le milanî legell Tacero
Be sewday Sîrwan wêll û rencerro
Le diwawan da keyek egirî
Wek dû mîsra’î beytî Mewlewî
Sîrwanî em çem Tanceroy ew çem
Biden wehem da em çem ta ew çem
Meweste birro be lim û xaka
Bigrî le rewzey Selmanî Paka
Pêy billê: Qurban, to nawit pak e
Bimanxere rêy yekêtî û çake
Diway ewey billê: Ew xake dêm e
çon paraw ebê be awî ême
Ke wa bê tu Xuwa tabrûman meben
Wek kay bêgane memanken be şen
Gunahman çî ye ke destî Yezdan
Be cê û rê êmey xiste jûr ewan
Anlam için kelimeye çift tıklayın (Ferheng) Anlam için kelimeye uzun basın (Ferheng)