Pîremêrd
Xuwaye! çi şorrişêk e ke bo xellkî ‘aleme
Dîsan çi newh û tem û giryan û matem e
Dîsan çi şîwenêk e çi heşrêk e rûy zemîn
Bê nefxî sûr heray le seray ‘erşî e‘zem e
Giwa ye ke xor le xawerî xwarû hellat ke wa
Aşûbî şîwenêk e qiyamet billêy kem e
Nawî binêm “qiyametî dinya”, ellên: Bellê
Em mangî matemîn e ke nawî “muherrem” e
Dîwanî Xuwa ke cêy xefet û xem nîye, le wêyiş
Polî firîşte ser le ser ejnoy ’eza û xem e
Cînn û melek be şîwenî ême le girye dan
Bo serwerê ke eşrefî ewladî Adem e
Rûnakî asman û zemîn, rojî meşrîqeyn
Baweşnişîn û rîşey cergî nebî, Huseyn
Katê kira be sermewe ew sere be zar
Rojîş serî be rûtî hellat kewte kohsar
Lafawî xem be coşewe rûy kirde şax û kêw
Hewrêkî reş be matemewe hat û girye bar
Rûy serzemîn be zelzelewe kewte gerd û xul
Westa le dewre û hereket çerxî bêqerar
Dawênî ’erşî ke lerzî hemû ehlî barega
Wityan: Qiyamet e, çî ye? Be bêwade kewte kar
Destey Herem ke hawdemî hûr û firîşte bûn
Pêçabûyanne ser milî wiştir esîr û zar
Herwa le Kûfewe be esîrî eçûne şam
Ew şame bû şeametî îslamî xiste kar
Lew rêgeye da Husên leşî bêser kewtibû
Hawarî xiste qafillewe, bû be şîn û zar
Bangêkî kirde dayikî: Kiçê! Fatîmey betûl
Birrwane Husênî kurrit, duxterî resûll
Lem xaku xwêneda leşî bêser, Husênî to
Wa kewtuwe, bizane Xuda çonî kird qibûll
Anlam için kelimeye çift tıklayın (Ferheng) Anlam için kelimeye uzun basın (Ferheng)