Pîremêrd
Em rojî sallî taze ye, newroz e, hatewe
Cejinêkî konî kurd e bexoşî û behatewe
çend sall gullî hîway ême pê pest bû ta ku par
Her xwênî lawekan bû gullî allî newbehar
Ew renge sûre bû ke le asoy billindî kurd
Mijdey beyanî bo gelî dûr û nizîk ebird
Newroz bû agirêkî wehay xiste cergewe
Lawan be ‘eşq eçûn berew pîrî mergewe
Wa roj hellat le bendenî berzî willatewe
Xwênî şehîd e rengî şefeq şewq edatewe
Ta êste rûy nedawe le tarîxî mîlleta
Qellxanî gulle singî kiçan bê le hellmeta
Pêy nawê bo şehîdî weten şîwen û girîn
Namirin ewane wa le dillî mîlleta ejîn
Anlam için kelimeye çift tıklayın (Ferheng) Anlam için kelimeye uzun basın (Ferheng)