Pîremêrd
Emrro newroz e wa gull peyda bû
Le ’eşqî gull da bulbul şeyda bû
Bulbul le ser gull mangî bebang e
Xwêndinî ême sall diwazde mang e
Ew tenha bo gull serder hewa ye
Ême serberzîy qewman hîwa ye
Bulbul le ’eşqî gull da be soz e
Sozey ême bo daykî dillsoz e
Bulbul le bergî gull peyda nabê
Ême lem xake în, ya Xuwa awa bê
Bulbul detorê, çon bêwefa ye
Ême rîşeman lem xakeda ye
Bulbul derrencê be cefay xaşak
Ême bo sucde ser debeyne xak
Wa daykî weten hat û defermiwê
Min nexmey rolley zanistîm ewê
çunke zanistî cêgay hîwa ye
Mîllet be zanist le birew daye
Zîrekîy ême legell zanistî
Eger yek kewin, nakewne pestî
Anlam için kelimeye çift tıklayın (Ferheng) Anlam için kelimeye uzun basın (Ferheng)