Pîremêrd
`Le ser weznî beharan çi mehzûn`
Behar matemî kewte naw, rengî zerd e
Be giryan e hewir, bay seher ahî serd e
Perrinde le herd e
Dillî pirr le derd e
Dirextêkî tûbay beheştî Êraq bû
Le me’wa ye me’way ke sayey be ser çû
Dirêxa le dest çû
Le new ciwanîya zû
Liqêkî ciwanî le cê û cêy hîwa ye
Weku esllekey sayebanbê Xudaye
Pena ye û hîwa ye
Le bincî niyaye
Ke bellku Êraq, wek Êraqî ‘ebbasî
Beheştî zemîn bê, be lale ‘ebasî
Billind bê esasî
Nebînê kesasî
Hemû ême bend e û newey ew zemane yîn
Ebê pêş kewîn ta bizanrê le wane yîn
Le ecdad nîşane yîn
Fîdayiyekane yîn
Anlam için kelimeye çift tıklayın (Ferheng) Anlam için kelimeye uzun basın (Ferheng)