Pîremêrd
Xuwaye! Fermûte xot le Qur’ana
Le peristişî cînn û însana
Xelqî cînn û îns bo ‘îbadet e
Peristinî to rêy se‘adet e
Hedîsî qudsîş herdû yek bas in
”Kenzî penhan bûm, wîstim bimnasin”
Ew bo ‘îbadet, em bo nasîn e
Em dû awêne bo yek ayîn e
Xeleqtul xelqe lîkey ’u‘refu
Bo kê dest eda herwa zû be zû
Sa meger riştey hîdayetî to
Bo ew rayelle bê be tan û po
Egîne bêt û ew rêy rehmete
Nuqtey bête ser diyar e zehmet e
Tuxwa! Ba rehmet nebê be zehmet
Nebîyit be rehmet narduwe bo ummet
Diyar e muhtacî du‘ay ‘ebdit nît
Eger netnasin, to derbestî çît
Ezanim bo çî wa lutif enwênî
Destnêjî xotin nayanşkênî
Diyar e aw xellqî perwerdgar e
Sîfetêkî way lêwe diyar e
Ew darey ke xoy hênabêtye ber
Nuqumî naka, eyxate ser ser
Dîsan fermûte ke perwerdgar
Zor le lay xoş e ‘efûy gunahkar
Bizanê zewqî ‘efûy min çend e
Gunahkar ebê be ‘emdî bende
Xo min nawêrim eme bênime dî
Egîne minîş ‘efûy tom edî
Bellam ewîşe behsêkî ciwê ye
Ew piyawey le we biga le kiwê ye
Min le manem çî, pîrêjnane
Etnasim, naçime ser giwêsewane
Min emem bes e heta ku demirim
Zewqî ‘aşiqî yadit wergirim
Xoşguzeranî be dillxoşî ye
Allan e dinya, feramoşî ye
Dinya dawêk e kewtîne nawî
Dînman exeyne be hawpênawî
Hedîs e dinya û dîn yek nagirin
Her laye layê le yek daebirrin
Anlam için kelimeye çift tıklayın (Ferheng) Anlam için kelimeye uzun basın (Ferheng)