Pîremêrd
Xuday bêniyaz, bêxwêş û hamrraz
Be dû xullkî çak bimke serfiraz
Yekêkyan emey xerezim nebê
Le rastî hîç kes ‘ewezim nebê
Kes le kirdewem ziyan nebînê
Dillim jeng negirê be buxz û kînê
Herçî derbarey min bedendêş bê
Be tîrî qehrî to dilley rêş bê
Duwem qena‘et, le az azad bim
Herçîm bideytê be we dillşad bim
Ke bêniyaz bim le ehlî dinya
Her to denasim be taqî tenya
Ewsa bo hîç kes nabime teşîrrês
Le hemû mallê nabime kaselês
Le tonasîn da Xuwaye zor kas im
Hoşêkim berê toy pê binasim
Her to rehberî le karî çaka
Bedîş xom neykem, hîç kes pêm naka
Eger xirapem be emrî to bê
çon ebê cezam dîsan be to bê?
Haşa îsnadî zullim be to nadem
Nefsim nayellê le gunah la dem
Xuwaye mertebey rezam biderê
Le dewllemendî û gedayîm gerrê
Anlam için kelimeye çift tıklayın (Ferheng) Anlam için kelimeye uzun basın (Ferheng)