Pîremêrd
Perwerdgara! Temaşa ekem
Xom le kirdewey xom haşa ekem
Dill û zubanê to dawte be min
Be hewa û hewes lêm bûn be dujmin
Emewê dillim tenha toy tiya bê
Le yadî xeyrî to tewella bê
Ewsa zubanim zîkrî to deka
Etwanim bibime bendey barega
Egîna her wa bimênimewe
Towî bednamî eçênimewe
çend xoş e neş’ey tom le dill da bê
şeqim le çend û çûnî helldabê
Azad e ser wek berzekî banan
Bikewime sewday arezûy canan
Tacî edhemî binême ser ser
Fermanrewa bim le behr û le berr
Yaxu perwaney nûrî lîqat bim
Rohim perwane û xoyşim fîdat bim
Zor kes perwane n bo şem cemalê
Ba minîş bibime şiftey cemalê
Anlam için kelimeye çift tıklayın (Ferheng) Anlam için kelimeye uzun basın (Ferheng)