Pîremêrd
çûme mizgewtî Xurmall be giryan
Ax jûrî reş û wêran û ‘uryan
Tehlîleyî buwe be çeke û kewan
Rêçkeyî bestuwe espêy murîdan
Her mallî Xuwa ye errwa be tallan
Asarî konî îslam rûxawe
Be callcalloke mînber tenrawe
Ta tûtin le şiwên îmam danrawe
Mîhrabî sîpallî tiya hellçinrawe
Xellik le ber bêgar hatûne aman
Dewrî eshaban sê mizgewt kiran
Yekê le Nigill duwem le Kirman
Sêyem le Xurmall mellbendî kurdan
Hersê binaxey Ewllay homeran
Asarî fexr in bo dewrî ewan
Sulltan Selîm goy şahî birdewe
Qubbe û minarey taze kirdewe
Qellayêkî kird bew ser girdewe
Serberzî xiste qewmî kurdewe
şêx girtiye dest xoyî mullkî Xuwa û ewan
Ke şêxan tobey mirîd daeden
Ellên le mallî xellkî dest meden
Bellam ke cerde beşyan bo deben
Ellên xezwe ye, xumsî lê derken
Fitway bo eden be nessî Qur’an
şêx be aşkira beheştfiroş e
Seraney mirîd hezar qiroş e
Mirîd sabrêne ellê bîdoşe!
Dewllet û mallyan hênde la xoş e
Anlam için kelimeye çift tıklayın (Ferheng) Anlam için kelimeye uzun basın (Ferheng)