Pîremêrd
Piyawêkî dartaş meymûnêkî bû
Bo hemû îşê le gellya deçû
Hogirî bû bo lay hellwestabû
Meymûn şagird bû, dartaş westa bû
Ke eygut teşwê, gurc boyî ehêna
şeqqey mişarî bo dadehêna
Rojê westakeyî darî deqellaşt
Beyn beyn be piwaz lengerî edaşt
Be tewir darekeyî eqillîşandewe
Be piwaz lêkî errewandewe
Wextî nîwerro çû bû bo ser’aw
Meymûn hate cêyî wek westay tewaw
Xoy qît kirdewe, le cêy ew danîşt
Herdû gunî xoy be qillîşa dahêşt
Piwazî derhêna gunî pêwe bû
Kewte qîj û hûrr agirî tê berbû
Qillîşî cê piwaz yekdigîr bûbû
Hêlkey meymûnî tund tê çespîbû
Meymûn xeşîm bû, bû be faqewe
Deynalland be dem waqewaqewe
Le zîrrey meymûn xellk ko bûnewe
çûne pêşewe lêy wird bûnewe
Hêlkey gîra bû le qillîşî dar
Denûzayewe kewtibuwe hawar
Westa le tawa ser’awî nekird
Hat piwazekey, lê da dest û bird
Meymûn risgar bû be kulemergî
Bellam êşekey geyibuwe cergî
Meymûn çon ebê be westay dartaş
Bulbul û leqleq nabin be yolldaş
Nagate payey merdî nahîsab
Nan bo nanewa goştîş bo qesab
Meşhur e dellên: Huştir û qezazî
Hewramî û siwarî, wirç û rimbazî!
Anlam için kelimeye çift tıklayın (Ferheng) Anlam için kelimeye uzun basın (Ferheng)