Pîremêrd

`Bo ew kesey ellê kurd qafiyey nîye` Aman çend xoş e tafî mindallî Bellam têy nagey, ta, konesall î Le mindallîma ke bawkim sax bû Gelê arezûy le rez û bax bû Rez û xanûman le Gurgeder bû Gurgane şewêm, zor çak le ber bû Hawînan koçman eçû bo ewê Ramanespard willaxman ewê Wird û diriştiyan ehatine şiwênman Lew diyare da, diyar bû şiwênman Ekewtîne rê, berrîze û qetar Be dengî şimşall, be beste û qetar Le serî goyje hellperrkê û sema Seyriyan ekirdîn firîştey sema Lew benden da çopî û destbendî Lew derbende da be naw Derbendî Bem dîw bew dîwa, awazî şayî Berztir le tepill û awazî şayî Nizîk awayî tifeng eteqî Etgut wa dllî bedxuwaman teqî Dûr le serek û be azadeser Le naw ewana emanbirde ser Sallêkyan le pirr, îcare darê Destdar, desberdar ta destberdarê Ehatin rezî xellkyan exesand Nek rez!! Xawenî rezyan exesand Bêwejinê bû nawî Perwer bû çiwar hetîwî bû, hetîwperwer bû Karî hatbûwe ser kirêkarî Damaw û mandû, be derdî karî Mêrdî ew jine, rezî naştibû Berî lê nexward, xoyan naştibû Rezêkî wêran le xwar awayî Gellay zerd bûbû, wek xorawayî Yekê le waney lay xoy danabû çiwar bar deyekî le ser danabû Afretyan hêna, be pelrakêşan Huqeyê tirêy nebû be kêşan Noker lêy eda û, ew kirdiye hellda Zordar gallî da, zoryan tê hellda Le ber qsekey xergereşa bû şeqî şeqawet, le jin weşabû Afret hawarî kirde xergerreş Xistiyane derpêy pişîlêkî reş Min giryam ramkird bo jûrî mizgewt Zordar tîrî Xuway lê kewt, lewê kewt Cewirî sitemkar ahî le diwa ye Bedkar hemîşe karî le diwa ye Ellên Xuwa diwayî tolle esênê Em ewit qînî gillpe esênê? Keçî wa le pirr ew tolleyey send Bo xergerreş bû karî wa pesend