Pîremêrd
Hefse behar e gull geşayewe
Awî Karêzî şerîf jiyayewe
Harreharrî aw, xwêndinî bulbul
Sed bar pîrîş bê şewq eda be dill
çiwale gullî kird, erxewan sûr e
Hêşta pişêwî le naw şar dûr e
Gulallesûre bûkî behar e
Minîş bo bûkêk dillim daxdar e
Befir û hellekok le min qewmawe
Gull be Tofîqî Hewlêr birrawe
Ta to û Fehîme xoş bin min her wa m
Ba wicûd heta demirim be temam
Neyse, bêynewe ser basî behar
Wa sewz bû sêw, hellûje û henar
şing û helle kok pirçyan dirêj kird
Hêndem pîşok xward kellemî gêj kird
Darêkî zorim kird be bêllekan
Eydem be êwe bo bin gozirwan
Wa be xilexil nîsanekeş hat
çar şêwî sewzî poşîwe willat
Sî û cigerî zistan dellên zor çak e
Bin tûwekeşman mallîwe û pak e
şîş û miqellî û agirim danawe
Tematey sewzî parîşim mawe
Piştemexze û dûg, gurçîleş dênim
Herçî bîfirrênê qollî deşkênim
Bengoke û piyaz û kewer û terxûn
Le gell behara hemû peyda bûn
Sertiwêjî mast û penîrî taze
Hemû Bexdad boyî awatexwaz e
Êwey tiya nebin bêtam e û boş e
Ax a em bezme be to we xoş e
şayî newrozim kird be naw û daw
Êwe diyar nebûn, lêm bû be zûxaw
Tuxwa û pêxemer! Besiye xerîbî
Ew ‘umre xoşe le gell ême bî
Wa be şiwêntana xom dême ewê
Lam wa ye Mîrza minî xoş ewê
Eger teşrîfî bêtewe êre
Ewanî êre ebine gay gêre!
Le sayey Xuwawe le kara yin, zor în
Mîrza gewre bê, xoş raebiwêrîn
Anlam için kelimeye çift tıklayın (Ferheng) Anlam için kelimeye uzun basın (Ferheng)