Serkeft Botan
Ev cara çenda ye cegerê min
axînê hêrsoyi
di birka çavê min de diçênin
ev cara çenda ye rapelînê min
newala qesaba de
li kendalê qirbûnê terh didin bejna min
ev cara çenda ye qurnefelên min
di mergên çarçiran de
bi mirina reş jiyanê didin jiyana geş
ev cara çendaye helke helkên min
agir himbêz dikim
wargehên min ji dev ziman dikşênin
ev cara çendaye weneyên min
dîmen li ser dîmene quç dikin
çavên min qolincê xwînê dibarênin...
Anlam için kelimeye çift tıklayın (Ferheng) Anlam için kelimeye uzun basın (Ferheng)