Sebrî Botanî
Were were, şox û şengê
Te ez kuştim perîrengê
Erê gulê heta kengê?
Heke rast e evîndar î
Ji dil wek min birîndar î
Bo çi hinde ne guhdar î?
Were were sebra dila’
Hey tac û nîşana mila’
Janê da cergê bilbila’
Bi wî dengê nerm û rewan
Awazê bilbil û kewan
Dil ji min bir gula ciwan
Ji awazê germ û zirav
Bibarîne misk û gulav
Belav bike pirs û silav
Anlam için kelimeye çift tıklayın (Ferheng) Anlam için kelimeye uzun basın (Ferheng)