Sebrî Botanî
Dûtra rojê l’ ser banî
Mi’ l’ ser milê wî danî
Ya te gotî, min ew got
Ez di gel xwe kirim cot
Gulê pa keyfa wî hat
Maçek bo min kir xelat
Gote min bêje Fatê
Bê min ne çit civatê
Gulê ji nû min zanî
Yarê te ye Botanî
Gotinek kir wek şekir
Wî dilê min pê vekir
Pir xweş û nerm û têrtam
şîr û şirîn şekrê şam
Hingê gava paştir bû
şirîntir û baştir bû
Gulê nadim malê d’nê
E’l’ ser wê têm kuştinê
Li ser wê tirh û katê
Agir û befr û ba tê
Ewrê evîna caran
Dîsa’ kir ag’r û baran
Ewrên me reş û tar in
şîn û şadî dibarin
1967
Anlam için kelimeye çift tıklayın (Ferheng) Anlam için kelimeye uzun basın (Ferheng)