Walî Bedelpûr
Evîn namerd e, dil êxsîr
Rih û can û beden bûn pîr
Ji çavên dilberê tên tîr
Dilo jaro neke eşqê
Bide terka evî halî
Dema para te her talî
Ji derdan xwe bike xalî
Dilo jaro neke eşqê
Dibînî gav û dem dûr e
Birîna can ji te kûr e
Di nav cergê te de şûr e
Dilo jaro neke eşqê
Nebarîn rondikên çavan
Neke tarî li min her gavan
Nede min tu teb û tavan
Dilo jaro neke eşqê
Dilo çi bkim ji destê te
Ji axîn û ji hestên te
Rih û can bûne mestên te
Dilo jaro neke eşqê
Dizanî dawiya vînê
Dibî ruswa li vê jînê
Di gel xwe tu neke kînê
Dilo jaro neke eşqê
Anlam için kelimeye çift tıklayın (Ferheng) Anlam için kelimeye uzun basın (Ferheng)