Hacî Qadirê Koyî
şa’îr û şêx û xiwace derbeder in
Le qisey bênetîce da demirin
Basî zullfî dirêj û çawî bexew
Nebirrawe buwe tirrî Xusrew
Qeyd û tezbîb û haşîye û î’rab
Hemû ba birdî bûne mewcî serab
Sefeser ender weten çi kellik degirê
Seyrî nakey şemendefer defirrê
Be qisey sade birsî têr nabê
‘Emel e ‘îzzî dîn û dunya bê
Asinî sard be fû nerim nabê
Be tirranîş hemam gerim nabê
Telixrafîş telêk e bêma ye
Muxbîrî rûy kullî dunya ye
Cewherî ferdî ew mucezza bû
Ya nebû, hasillî çi peyda bû
Giftûgo hasîlî hemûy ba ye
‘Emelîyat e nanî tê daye
‘Ulemaman be qewlî bêserûpa
Pakî xinka le behrî wişkî hewa
Sin’etêk fêr nebûn le paş tehsîl
Seyrî çon bo menahî bûne delîl
Yek be yek bûne xaînî dewllet
Xaînî mullk û duşminî mîllet
Ta te’înatî kor û lall mabû
Le gelê dêyekan melay ça bû
Ew duwane be rehmetî Xuwa çûn
şarekan bê mela û muderrîs bûn
Bellê wa ye le elzemî eşya
Ewwelen xwardin e, duwem sukna
Sêyemî tirsî ‘ewret e enca
Meşxeley la îlahe îlla lla
Piştîwanî bînay şer’î metîn
şîr û bexşîn û xamey rengîn
Bew şeşe dîn muhafeze dekirê
Yekê mird lem şeşane dîn demirê
‘Eceba bo çî ehlî mullkî ‘Êraq
îttîfaqî bedel deken be nîfaq
Bo emîranî xeyre debine gizîr
Nek le xoyan yekêkî bête emîr
Êstekeş firsete gelî yaran
Kepenek bo çî ye le paş baran
Anlam için kelimeye çift tıklayın (Ferheng) Anlam için kelimeye uzun basın (Ferheng)